काठमाडौं । कोरोना संक्रमण बढ्ने क्रम जारी छ । पछिल्लो पटक एकैदिन ६३८ जनामा संक्रमण पुष्टि भएको छ । संक्रमणबाट मृत्यु हुने क्रम पनि बढेको छ । पछिल्लो पटक थप २ जनाको मृत्यु भएको स्वास्थ्य मन्त्रालयले जनाएको छ ।
२ हजार २१५ पीसीआर परीक्षण गर्दा ४०० जना र २ हजार ८४० जनाको एन्टिजेन परीक्षण गर्दा २३८ जनामा संक्रमण देखिएको मन्त्रालयको बुलेटिनमा उल्लेख छ । यो सँगै सक्रिय संक्रमितको संख्या पनि बढेको छ । हाल ३ हजार ७१४ सक्रिय संक्रमित भएका छन् ।
नयाँ संक्रमितमध्ये आधा भन्दा धेरै काठमाडौं उपत्यकामा छन् । काठमाडौं उपत्यकाबाहिर कास्की र मोरङमा संक्रमण बढी छ । ३० जनाको आइसीयू र एकजनाको भेन्टिलेटरमा राखेर उपचार भैरहेको मन्त्रालयले जनाएको छ ।
