नयाँ सारथी लघुवित्त वित्तिय संस्था लिमिटेड (NSLB) ले आर्थिक वर्ष २०७७/७८ को मुनाफाबाट शेयरधनीहरुलाई १९% बोनस र १% नगद लाभांश (कर प्रयोजनको लागि) गरी कुल २०% लाभांश वितरण गर्ने घोषणा गरेको छ।
कम्पनीको मिति २०७८ फागुन १० गते बेलुका ५:३० बजे बसेको संचालक समितिको ३३औं बैठकले आ. व. २०७७/७८ को वितरण योग्य मुनाफा रकमबाट शेयरधनीहरुलाई हाल कायम रहेको चुक्ता पूँजी रु.२५ करोड ४९ लाख ५४ हजारको १९% अर्थात रु.४ करोड ८४ लाख ४१ हजार २ सय ६० बराबरको बोनस शेयर तथा तथा १% अर्थात रु.२५ लाख ४९ हजार ५ सय ४० बराबरको नगद लाभांश (कर प्रयोजनको लागि) वितरण गर्ने निर्णय गरेको हो।
संचालक समितिले निर्णय गरेको सो लाभांश प्रस्ताव नियामक निकाय नेपाल राष्ट्र बैंकबाट स्वीकृति भए पश्च्यात साधारण सभाको छलफलमा समावेश गरिनेछ। प्रस्ताव गरिएको लाभांश वार्षिक साधारण सभाबाट पारित भएपश्च्यात मात्र योग्य शेयरधनीले दाबी गर्न पाउने छन्।
